时间：2021-08-29 来源：龙川档案馆藏书
一想情妹心着 慌，
单身独睡系难当，
手揽枕头难入睡，
漫人拆散涯鸳鸯。
二想情妹苦重重，
相思病倒在床中，
左思右想有面见，
梦中见到妹娇容。
三想情妹月索长，
煮饭唔晓入厨房，
吃饭唔晓拿筷子，
睡目唔晓上眠床。
四想情妹想得狂，
入间倒米倒到糠，
石灰涯话糯米粉，
种菜种到松树秧。
五想情妹想得多，
厅中有凳唔晓坐，
行路唔知高低砑，
晕晕痴痴行落河。
六想情妹费心机，
发冷发热涯唔知，
啥话三日唔见面，
仙丹妙药也有医。
七想情妹想得昏，
河边卵石涯话春，
扛起饭碗唔夹菜，
饭在嘴里唔晓吞。
八想情妹想得晕,
火烟上天涯话云，
砻谷涯话雷公响，
风声涯话妹敲门。
九想情妹到立冬，
想妹想得眼红肿，
杆人当作系情妹，
揽转房中放床上。
十想情妹又一年，
样般唔见妹个面，
算命都话成双对，
今日点火烧流年。