您现在所在的位置是:首页 -> 龙川歌谣 -> 点击返回上一页
两人心思一样同

时间:2021-08-25 来源:龙川档案馆藏书

贡久唔曾入菜园,

苦瓜豆角层打层。

贡久唔曾同妹嬲,

肚里有话讲唔完。


阿哥约妹割草烧,

隔夜磨镰煮早朝。

三岔路口来等阵,

等妹唔到心争焦。


嬲了一番得一番,

下番爱嬲较艰难。

一来又怕天落水,

二来又怕唔得闲。


岭岗顶上盘泥鳅,

阿哥唔曾见过有。

猫公还在灯盏背,

样般老鼠敢偷油。


一样烧酒装只缸,

一副心肝缅只人。

妹子惜郎郎惜妹,

两人心思一样同。


相关专题文章