时间：2021-08-18 来源：龙川档案馆藏书
男:好久唔曾唱山歌，
喉咙又辣痰又多。
今日开口唱几句，
喜鹊来引画眉和。
女:唱歌就爱大声来，
把妹听到好来回。
唱到细声听唔到，
唔好话涯布口才。
男:唱歌唔好贡大声，
声音细细较好听。
旁人听了随便讲，
莫来传坏哥名声。
女:敢唱山歌敢大声,
敢当医生敢出名。
总爱两人情义好，
唔怕传上北京城。
男:阿妹巧嘴会唱歌，
田里稗草唱成禾。
牛牯出栏唱成马，
白鹤落地唱成鹅。