时间：2021-08-16 来源：龙川档案馆藏书
敢唱山歌敢大声，
敢放白鸽敢响铃;
哪只敢话唱唔得，
官司打到北京城。
乾隆出来禁山歌，
山歌越禁歌越多;
你想山歌禁得绝，
金銮宝殿会有坐。
讲唱山歌就来瘾，
一时唔唱发头晕;
茶饭唔食还较得，
禁涯山歌收命经。
山歌唱来系正格,
祖公厅下也唱得;
大爷伯叔莫干涉，
你也做过十七八。
山歌唱来开心花，
唔怕叔公大老爷;
在家出门涯敢唱，
由你坐监杀头挪。
你有山歌你打来，
敢唱山歌敢搭台;
首首唱出心里话，
条条唱得心花开。