时间：2021-08-16 来源：龙川档案馆藏书
有心相好怕谁知，
唔怕旁人说是非;
屋顶瓦面晒灯草，
真心唔怕大风吹。
烧窑唔怕火烧天，
连妹唔怕人闲言;
别人爱讲由其讲，
讲得多来会厌烦。
镰刀唔利唔割禾，
竹篾唔韧唔织箩;
交情就爱交到底，
唔好听人乱挑唆。
别人爱讲唔使惊,
名声越出越爱行;
交情好比甘蔗样，
从头到尾一样甜。
唔怕别人论短长，
越讲两人情越长;
好比门前桂花树，
大风越吹花越香。
高山岭项种堆蕉，
根深唔怕大风摇;
阿哥有情妹有义，
哪怕旁人两面刀。