门前种竹竹叶多,

一阵大风吹落河;

阿哥真心同妹嬲，

半壁开窗眼解多。

涯俩交情将过来，

只为姻缘唔为财;

涯俩交情一百岁，

行路唔得坐轿来。

你合涯意涯唔嫌，

三十涯喊二十零;

苦瓜腌生来出桌，

人家话苦涯话甜。

一头灯草一头烧，

一头轻重样般挑;

有心有心哥爱话，

昵若布心莫害涯。

初一落水初三晴，

保佑涯哥走唔成;

保佑日历布日子，

保佑水浅有船行。

郎也乖来妹也乖，

郎金厅堂妹躲开;

有情装作有情样，

神仙难想鬼难猜。

妹子生得靓又娇，

低头含笑半含羞;

恰似鲜花习习嫩，

样般怪得哥来求。

讲也闲来笑也闲，

秦弦有线样般弹;

麻布洗脸粗相识，

俩人开口难对难。

敢打老虎敢上山，

敢擒蛟龙下海湾;

敢恋阿哥唔怕死，

敢闯火海上刀山。

郎在东河妹溪西，

爱想相逢有时机;

郎变黄莺妹变鹊，

半天云彩常相聚。

你有山歌唱紧来，

切莫想唱嘴唔开;

自古有花当脸送，

莫学杨梅暗暗开。

阿哥骑马妹揽腰，

路面唔平身身跳;

阿哥嘱妹爱抱紧，

阿妹话哥莫柬嚣。

阿妹打伞出门嬲，

阿哥等伞手抱头;

妹看情哥系老实，

哥妹相亲平排走。

郎今隔妹路途长，

涯俩有事难商量;

六月飞霜难得见，

露水泡茶难得尝。

日日落水发大风，

唔得天晴见娇容;

久哩唔曾见妹脸，

心肝愁碎眼愁朦。

燕子含泥半壁企，

涯俩相爱结夫妻;

莫学苦瓜心柬苦，

爱学甘蔗甜到尾。

因为想妹想到狂，

进间量米量到糠;

石灰当作糯米粉，

棺材当作枕头箱。

去年想妹想到今，

哑仔唱歌难发音;

竹头生笋几多想，

灯草落靛染在心。

麻花手镯纽丝缠，

新旧恋妹二三年;

瓜果唔熟酸又涩，

落树果子比蜜甜。

三间当铺涯唔爱，

情愿跟郎担石灰;

左肩抛到右肩转,

磨牙切齿心花开。

阿妹约郎去进坑，

三岔路口爱插青;

插青爱插布惊树，

虽然叶死心还生。

手拿锄头去进坑，

坑头坑尾听妹声;

大树头下讲两句，

一人做得两人赢。

阿哥送妹过陂头，

一看 流水心就愁;

劝妹莫学流水样，

过到陂头爱回头。

一张白纸用心封，

托人送到妹手中;

拆开信皮有个字，

相思全在不言中。

月光肚里一朵云，

一日唔见隔三春;

一日唔见阿妹脸，

鸡肉捞饭也难吞。

听到姻缘人抢走，

一边想妹一边愁;

食茶苦似吞药水，

食饭好比吞石头。

山歌唔唱心唔开，

满肚忧愁做-堆; .

画眉来寻鹦鹉对，

唱出心头快乐来。

爱唱山歌就唱来，

一条去哩一条来;

三条去哩有条转，

水打戏棚就衰台。

妹子生得咐斯文，

出入唔得共扇门;

食饭唔得同张桌，

洗脸唔得共脸盆。

 昵个后生眼柬歪，

翻来覆去眼看涯;

 放个大方俾你看，

 日后相思莫怨涯。