时间：2021-08-10 来源：龙川档案馆藏书
二月过哩三月天，
百万树木都生菌;
百样雕仔都开口，
样般阿妹唔开声?
你在上排涯上排，
你系凤凰涯系鸡;
你个凤凰唔开口，
喊涯雉鸡样般啼?
你有山歌唱紧来，
切莫想唱嘴唔开;
自古有花当脸插，
莫学杨梅花暗开。
有钱阿哥系威风，
新做白屋一栋幢;
阿妹好比山鸦鹊，
唔敢进哥画眉笼。
山歌又好声又娇，
月弦来和九龙箫;
妹子姻缘涯有份，
玉石来造万年桥。
会唱山歌歌驳歌，
会织绫罗梭驳梭;
阿哥会弹妹会唱，
会弹会唱快乐多。
柬久唔曾进菜园，
苦瓜丝瓜缠对缠;
郎吃苦瓜苦想妹，
妹吃丝瓜想郎甜。