时间：2021-08-09 来源：龙川档案馆藏书
客家山歌特出名，
条条山歌有妹名，
条条山歌有妹份，
一条有妹唱唔成。
山歌唔系考声音，
总爱唱来意义深，
阿哥唱来解劝妹，
妹子唱来动郎心。
过了一窝又一窝，
久闻妹子山歌多，
久闻妹子山歌好，
妹敢唱来郎敢和。
久闻妹子山歌靓，
今朝相逢就右声，
今朝相逢就右唱，
脚踏犁头会欺生。
山歌越唱越有情，
总爱俩人听得真，
若系俩人有情义，
山歌好比做媒人。
叫涯唱歌涯就唱，
唱出金鸡对凤凰，
唱出麒麟对狮子，
唱出情妹对情郎。