时间：2020-12-22 来源：
花花世界世界花，嘱咐涯郎莫去花；
路边野花你莫采，家中有朵正红花。
花花世界世界花，总爱自家唔去花；
一壶唔装两样酒，一树唔开两样花。
别人妻子别人花，甘蔗唔当我苦瓜；
苦瓜柬苦吞落肚。甘蔗柬甜爱丢渣。
有帐莫去烧蚊香，有路莫去爬岭岗；
夜路行多出哩事，一家老少有面光。
带稳笠嫲莫拿伞，爱哩一侪就一侪；
自己有娈恋别人，思想品得十分差。
耕田唔去做粪缸，有谷唔去打禾场，
收哩嫲仔丢嫲骨，亚哥心肝毒过狼。
有钱冇饯有相干，唔好脚踏两头船；
喜新厌旧恋别人，}洋众骂你坏心肝。
两人相爱心一条，屋下有妻莫去嫖，
三箩糠头倒落海，到处嫖流得人恼。
自家有屋又有房，莫贪别人龙风床；
搭床睡目有话份，唔得一夜到天光。
自家睡既自家床，半夜敲门心不慌，
唔怕别人来干忧，安眠善睡到天光。